កិច្ចសន្យាធនលាភសាមយិកមួយជីវិត

Eng. life annuity contract
Fr. contrat de rente viagère

កិច្ចសន្យាមួយ ដែលភាគីម្ខាងជាកូនបំណុលនៃធនលាភ សន្យាថា មានករណីយកិច្ចត្រូវផ្ដល់តាវកាលិកជាប្រាក់ តាមពេលកំណត់ទៀងទាត់ ទៅឱ្យភាគីម្ខាងទៀត ដែលជាម្ចាស់បំណុល ឬតតិយជននៃធនលាភ រហូតដល់​​ពេលដែលខ្លួនផ្ទាល់ ឬភាគីម្ខាងទៀត ឬតតិយជនបានទទួលមរណភាព ហើយភាគីម្ខាងទៀតសន្យា​ថា​ មានករណីយកិច្ចទទួលបន្ទុកផ្ដល់តាវកាលិក ដែលជាតម្លៃថ្នូរនោះ។

ដកស្រង់ចេញពីសទ្ទានុក្រមពាក្យច្បាប់ ខ្មែរ-អង់គ្លេស-បារាំង ផ្នែករដ្ឋប្បវេណី និងនីតិវិធីរដ្ឋប្បវេណី ដែលត្រូវបានរៀបចំដោយគណៈកម្មការបណ្ឌិត្យសភាទទួលបន្ទុកអនុម័តពាក្យច្បាប់ និង​​បោះផ្សាយដោយទីស្ដីការគណៈរដ្ឋមន្ត្រី នៅឆ្នាំ​២០០៧។