រហោស្ថានកម្ម
Eng. Desertification
ការរេចរឹលគុណភាពដីក្នុងតំបន់ស្ងួត តំបន់កណ្ដាលស្ងួត និងតំបន់ស្ងួតសើមបង្គួរ ដែលបណ្ដាលមកពីកត្ដាផ្សេងៗគ្នា រួមបញ្ចូលទាំងការប្រែប្រួលអាកាសធាតុ និងសកម្មភាពមនុស្ស។ ជាងនេះទៅទៀត តាមអនុសញ្ញាសហប្រជាជាតិ ស្ដីពីការប្រយុទ្ធប្រឆាំងរហោស្ថានកម្ម បានកំណត់និយមន័យការរេចរឹលគុណភាពដី ថាជាការថយចុះ ឬ បាត់បង់ផលិតភាពជីវសាស្ត្រ ឬ សេដ្ឋកិច្ច និងភាពសាំញុំានៃដីដំណាំដែលពឹងផ្អែកទឹកភ្លៀង ដីដំណាំដែលមានប្រព័ន្ធស្រោចស្រពវាលស្មៅ ព្រៃឈើ និងគម្ពោធព្រៃ នៅក្នុងតំបន់ស្ងួត តំបន់ពាក់កណ្ដាលស្ងួត និងតំបន់ស្ងួតសើមបង្គួរ ដោយសារការ ប្រើប្រាស់ដី ដំណើការមួយ ឬបង្គុំដំណើរការច្រើនពីសកម្មភាពមនុស្ស និងរបៀបនៃការតាំងទីលំនៅ ដូចជា (I) សំណឹក ដីបង្កដោយខ្យល់ និង/ឬទឹក (II) ការខូតខាត លក្ខណៈរូបគីមី និងជីវសាស្រ្ដ ឬ សេដ្ឋកិច្ចនៃដី (III) ការបាត់បង់រុក្ខជាតិធម្មជាតិរយៈពេលវែង។
ដកស្រង់ចេញពី សទ្ទានុក្រមបច្ចេកសព្ទស្ដីពីការប្រែប្រួលអាកាសធាតុ, បោះពុម្ពដោយនាយកដ្ឋានប្រែប្រួលអាកាសធាតុ នៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងក្រសួងបរិស្ថាន, បោះពុម្ពលើកទី១ ឆ្នាំ២០១៧។ ទាញយកឯកសារជា pdfសូមចុចនៅទីនេះ
