បទជេរប្រមាថជាសាធារណៈ

Eng. public insult/slander/injury
Fr. injure publique

អំពើប្រើពាក្យប្រមាថ ពាក្យមើលងាយ ឬពាក្យទ្រគោះដែលគ្មានការទម្លាក់កំហុសទៅលើអំពើណាមួយតាមមធ្យោបាយណាមួយដូចតទៅ៖
១-តាមពាក្យសម្តីទោះជាប្រភេទណាក៍ដោយ ដែលបញ្ចេញនៅទីសាធារណៈ ឬនៅក្នុងពេលប្រជុំជាសាធារណៈ។
២-តាមលិខិត ឬគំនូរ ទោះជាប្រភេទណាក៍ដោយ ដែលផ្សព្វផ្សាយនៅក្នុ្ងចំណោមសាធារណៈជន ឬដាក់តាំងឱ្យសាធារណៈជន មើល។
៣-តាមគ្រប់មធ្យោបាយទូរគមនាគមន៍សោតទស្សន៍ សម្រាប់សាធារណៈជន។

ដកស្រង់ចេញពី សទ្ទានុក្រមពាក្យច្បាប់ ខ្មែរ-អង់គ្លេស-បារាំង ផ្នែកក្រមព្រហ្មទណ្ឌ ដែលត្រូវបានរៀបចំឡើងដោយ គណៈកម្មការបណ្ឌិត្យសភាទទួលបន្ទុកអនុម័តពាក្យច្បាប់ រក្សាសិទ្ធិ បោះពុម្ពលើកទី១ដោយទីស្តីការគណៈរដ្ឋមន្ត្រី នៅឆ្នាំ២០១១។